என் உலகம்

இனிய தமிழ் புத்தாண்டு நல்வாழ்த்துக்கள்

2006-04-13T22:55:00.000-07:00

அவநம்பிக்கைகளை அஸ்தமனமாக்கி
ஆசைகளை அடிமையாக்கி
நிகழ்காலத்தில் நிதானமாக வாழ்ந்து
உழைப்பை உன்னதமாக்கி
நம்பிக்கையை நமதாக்கி
எதிர்காலத்தை ஏற்றமாக்கலாம்
உலகத்தை நமதாக்கலாம்

இனிய தமிழ் புத்தாண்டு நல்வாழ்த்துக்கள்

அன்புடன்,
ஆர்த்தி.

சிவாஜி - Punch Dialogues

2006-04-05T09:33:00.000-07:00

ரஜினி ரசிகர்கள் என்னை மன்னியுங்கள்...

கண்டுபிடீங்க... - #03

2006-03-27T22:20:00.000-08:00

இங்க இருப்பது யாரு... கண்டுபிடிங்க

(தெரியலனா, படத்தின் மேல் க்ளிக் செய்யுங்க...)

வரம்

2006-03-15T22:40:00.000-08:00

மீண்டும் குழந்தையாகும்
வரம் வேண்டும் எனக்கு

முறிந்த இதயத்தின்
வலியை விட
முழங்கால் சிராய்ப்புகளின்
வலிகள் அதிகமில்லையே !!

(ஒர் தோழியின் ஆங்கில வலைப்பதிவில் படித்தது)

நகரத்தில் வாழ்க்கை - #2

2006-03-12T04:22:00.000-08:00

சொந்தமாக நிலாவல்ல
சொந்தங்களோடு
நிலாச் சோறு கூட
இங்கு கனவுகளில் தான்.

-0-

உறவுமுறைகளை
அகராதியில் தேடும்
உறவை
அருங்காட்சியகத்தில் சேர்க்கும்

விளக்கம் சொல்லுங்களேன் - #2

2006-03-08T08:10:00.000-08:00

1. 'கணினியில் வைரஸ் எப்படி வேலை செய்கிறது' என்பதை ஒரு 70வயது பாட்டியிடம் எப்படி சொல்லி புரிய வைப்பீங்க?

2. Yahoo Messenger, MSN Messenger, AOL Messenger போன்றவற்றில் என்ன மேன்பாடுகள் (improvements) கொண்டுவரலாம்?

உங்களுக்கு தோன்றிய பதில சொல்லுங்களேன்...

அன்புடன்,
ஆர்த்தி.

விளக்கம் சொல்லுங்களேன்..

2006-03-01T04:03:00.000-08:00

விளையாட்டெல்லாம் இல்லங்க... கொஞ்சம் சீரியசாய் ஒரு கேள்வி..

நேற்று திரு.சிற்பி அவர்கள் எழுதிய 'பூஜ்யங்களின் சங்கிலி' என்ற புத்தகம் படிக்க நேர்ந்த்து. அதில் படித்த வரிகள் இவை...

கால முட்டையின்
ஓடு பிளக்கிறேன்
குஞ்சாய் நானே
குதித்து வருகிறேன்

என்ன குழப்பம் என்று சொல்லத் தெரியாத ஒரு குழப்பம்................

எனக்கு விளக்கம் சொல்லுங்களேன்.. இந்த வரிகளுக்கு

மீண்டும் கண்டுபிடீங்க...

2006-02-28T04:27:00.000-08:00

நான் ஒருத்தரைப் பற்றி சொல்லுறேன்.. அது யாருன்னு கண்டுபிடிங்க பார்க்கலாம்...

1. வரலாற்று சிறப்பு வாய்ந்த இந்தியா-இங்கிலாந்து போட்டியில் இவர் தான் அணியின் தலைவர்

2. அந்த விளையாட்டில் இவர் ஆரம்ப பந்து வீச்சாளர் (Opening bowlwer)

3. அந்த விளையாட்டில் இவர் ஆரம்ப மட்டையாளர் (Opening batsman - சரியான தமிழ் வார்த்தை என்ன??)

4. அந்த விளையாட்டில் கடைசி பந்தை அடித்தவர் அவர் தான்

சொல்லுங்க அது யாருன்னு...

உங்களுக்கு தெரியலனா மீதி நாலு க்ளு அப்புறமா தரேன்..

சங்கிலிப் பதிவு = மாதிரி தேர்வு ???

2006-02-23T04:37:00.000-08:00

இன்னும் ஒரு மாசத்துல Autograph எழுதனும்... கல்லூரி இறுதி வருசம்ல..

சிபி தம்பி :(( இது என்ன அதுக்கு மாதிரி தேர்வுவா ??

சரி நானும் இந்த சங்கிலித் தொடர்ல சேர்ந்துக்கிறேன்...

Four jobs I have had:
1. ஒன்னும் எல்லாதத ரொம்ப தீவிரமா பேசுவது
2. காலைல சீக்கிரமா எழுந்து பாட்டுப்போட்டு திட்டு வாங்குவது
3. சமைப்பதாச் சொல்லி எல்லாரையும் மிரட்டுறது
4. கொஞ்சம் படிக்குறது

Four movies I would watch over and over again:
1. மவுன ராகம்
2. திருவிளையாடல்
3. Home alone
4. இருவர்

Four places I have lived (for years):
1. என் வீடு
2. என் பள்ளி
3. என் கல்லூரி
4. சென்னை

Four TV shows I love to watch:
1. திரைவிமர்சனம் - சன் டி.வி
2. Top 10 - விஜய் டி.வி
3. Tom and Jerry - Pogo
4. Hollywood times - K டி.வி

Four places I have been on vacation:
1. திருநெல்வேலி
2. பாண்டிச்சேரி
3. கன்னியாகுமரி
4. ஊட்டி

Four of my favourite foods:
பஞ்சு மிட்டாய்ல இருந்து பாயாசம் வரை, கமர்கட்டு முதல் Cadbury's வரை இனிப்பாக இருக்கும் எல்லாம்...

நாலுல அடங்காது!!!

Four sites I visit daily:
www.yahoo.com
www.google.com
www.dotnetspider.com
www.arthyb.blogspot.com (நான் பார்க்கலனா வேற யாரு பார்ப்பா??)

Four bloggers I am tagging :
1. கீதா
2. தேவ்
3. J.S.ஞானசேகர்
4. vizihikalvan

- ஆர்த்தி.

மூளை இருப்பவருக்கு மட்டும்....

2006-02-23T02:09:00.000-08:00

மூளையை பாதிக்கும் எட்டு பழக்கங்கள் இவை... மூளை உள்ளவர்கள் இதைச் செய்யாதீங்க...

1. காலை உணவு உண்ணாமல் இருப்பது

2. புகைப் பிடிப்பது

3. அதிகமாக இனிப்பு உண்பது

4. உடம்பு சரியில்லாத நேரத்தில் மூளைக்கு வேலைக் கொடுப்பது

5. தூக்கம் வரும் போது தூங்க மாட்டேனு அடம்பிடிப்பது

6. தலையோட மூடிக்கொண்டு தூங்குவது

7. அதிகமா சாப்பிடுவது

8. அதிகமா பேசுவது

அன்புடன்,
ஆர்த்தி.

-----------------------

2006-02-21T03:14:00.000-08:00

ஏதேதோ
எழுதிப் பார்த்தேன்
கிறுக்கலாக தெரிந்தது..

உன் பெயரை
தலைப்பாக கொடுத்தேன்
அட,
என் கிறுக்கல்
கவிதையானது...

என் எல்லா கிறுக்கலுக்கும்
பொருந்தும் ஒரே கவிதை
உன் பெயர்

ஆர்த்தி...

பழிக்குப் பழி...

2006-02-17T23:33:00.000-08:00

சாது மிரண்டால்???

நினைவுகள்...

2006-02-17T23:27:00.000-08:00

என்னை நினைவுபடுத்தும் பொருள்களை
திருப்பித்தந்துவிடுவாய்

நினைவுகளை...

நினைவுகளை
என்ன செய்வாய்?

எரிப்பாயா...

நினைவுகள் - பீனிக்ஸ்
நீ
எரிக்க எரிக்க
உயிர்த்து வரும்

நினைவுகளை
என்ன செய்வாய்?

புதைப்பாயா...

நினைவுகள் - விதை
நீ
மனதின் புதைத்தால்
மீண்டும் முளைத்து வரும்

நினைவுகளை
என்ன செய்வாய்?

நினைவுகளுடன்
ஆர்த்தி

கண்டுபிடீங்க...

2006-02-15T02:15:00.000-08:00

கைப்புள்ளயின் வலைப்பதிவில் திருவிழாவைப் பார்த்து ஒரு முறையும் என் கண்ணுக்கு ஒன்னும் தெரியல...

அதான்....
சரி பதில்தான் தெரியல கேள்வி கேட்க தெரியுமே...

கீழ உள்ள படத்தில யாரு தெரியுரா? ஆளு எங்க உள்ளார்? கண்டுபிடீங்க
(இது 3D படம் இல்ல)

நான் காதலிக்கிறேன்....

2006-02-14T06:40:00.000-08:00

'எழுந்திரிமா' - என்று
இதமாய் தலைக்கோதி - நீ
எழுப்பும் இன்பத்திற்காக
விழித்தப்பின்னும்
கண்மூடிக் கிடந்தது

படுக்கையிலிருந்து எழுந்து
உன் மடியில் மீண்டும்
சில நிமிடம்
உறங்கியது

நிமிட நேரம் தாமதமானாலும்
என்னாச்சோ என்று
நீ பதறுவாய் என
உன் கடிகார முள்ளை
திருப்பி வைத்தது

'கண்ணுப்படப்போகுது' என்ற
எச்சரிக்கையை மீறி
எல்லோர் மத்தியிலும்
உன் கைகோர்த்து
நடந்தது

பூகம்ப நேரத்தில்
'புதைந்தால் சேர்ந்து
புதைவோம்' என
உன்னை
இறுக்கியணைத்தது

உன்னைப் பிரிவதாய்
கனவு கண்டதால்
சில நாட்கள்
தூங்காமல் கிடந்தது

எல்லாம் நினைக்கையில்
ஒன்று புரிந்தது

அம்மா
நான் காதலிக்கிறேன்

உன்னை

காதலுடன்
ஆர்த்தி...

சில நேரங்களில் சில SMS - #2

2006-02-13T03:32:00.000-08:00

நீங்கள் ஏதாவது ஒரு கட்சியின் ஆதரவாளராக இருந்தால் மேற்கொண்டு படிக்காதீங்க PLEASE...

இரண்டு பசுக்கள்...

சில நாட்களுக்கு முன், 'இது இரண்டு பசுக்கள் வாரம்' என ஒரு வாரம் வந்த SMS இவை....

ஜெயலலிதாயிசம் :
இரண்டு பசுக்கள்.. அம்மா என்று அழைத்து காலில் விழ வேண்டும்..

கருணாநிதியிசம் :
இரண்டு பசுக்கள்.. ஒன்று என் மகனுக்கு மற்றொன்று என் மருமகனுக்கு

சந்திரபாபுவிசம்:
இரண்டு பசுக்கள்.. பசு எங்கு வேண்டுமானாலும் இருக்கட்டும்... இணையம் வழியாக பால் மட்டும் வரணும்

லல்லுயிசம் :
இரண்டு பசுக்கள்.. 900 கோடிக்கு தீவனம்

ராஜீவ்விசம் :
இரண்டு பசுக்கள்.. மாடுக்கு சாயம் பூசி, பாலின் நிறம் மாறிவிடும் என நம்பு..

ரஜினிகாந்திசம் :
இரண்டு பசுக்கள்.. பசுவை சும்மா தூக்கிப்போட்டு கீழ நின்னு பசுவைத் தொடாமல் பால் கறப்பது..

Softwarism :
இரண்டு பசுக்கள்..

Client has 2 cows and u need to milk them
Step 1 . First prepare a document when to milk them
Step 2 . Prepare a document how long you have to milk them (Project plan)
Step 3 . Then prepare how to milk them (Design)
Step 4 . Then prepare what other accessories are needed to milk them (Framework)
Step 5 . Then prepare a 2 dummy cows (sort of toy cows) and show to client the
way in which you will milk them.
Step 6 . If client is not satisfied then REDO from step 2
Step 7 . You actually start milking them and find that there are few problem
with accessories. (Change framework)
Step 8 . REDO step 4
Step 9 . At last milk them and send it to onsite. (Coding over)
Step 10. Make sure that cow milks properly (Testing)
Step 11. Onsite reports that it is not milking there.
Step 12. You break your head and find that onsite is trying to milk from bulls
Step 13. At last onsite milk them and send to client (Testing)
Step 14. Client says the quality of milk is not good. (User Acceptance Test)
Step 15. Offsite then slogs and improves the quality of milk
Step 16. Now the client says that the quality is good but its milking at slow rate (performance issue)
Step 17. Again you slog and send it with good performance.
Step 18. Client is happy???

By this time both the COW's are aged and can't milk. (The software got old and get ready for next release repeat from step 1) !!!!!

வெறும் காகிதம்

2006-02-09T23:23:00.000-08:00

மூவாயிரம் முறை யோசித்து
முதல் முறையாக ஒரு
மடல் எழுத நினைத்தேன் - உனக்காக

மூன்று நாட்கள் முடிந்துவிட்டது
முதல் வார்த்தையே
முரண்டுப் பிடிக்க
முடித்துவிட்டேன் உனக்கான
மடலை - ஆரம்பிக்காமல்...

- ஆர்த்தி

சில நேரங்களில் சில SMS

2006-02-08T03:01:00.000-08:00

நீங்கள் ஒரு பேராசிரியராக இருந்தால் மேற்கொண்டு படிக்காதீங்க PLEASE...

'No space for new messeages' என என் கைப்பேசி சிணுங்க, எந்த SMSஸை நீக்கலாம் என எட்டிப்பார்த்ததில்...

சில மலரும் நினைவுகள்....

கல்லூரியில் கைப்பேசிகள் உபயோகப்படுத்திக் கொண்டு இருந்த காலம்...

எங்களுக்கு ஒரு வகுப்பின் நேரம் ஒரு மணி நேரம்.. முதல் அரை மணி நேரமும் அமைதியாக இருக்கும் கைப்பேசி, அடுத்த அரை மணி நேரமும் குலுங்கியப்படியேத் தான் இருக்கும்..

நான் முதல் வரிசை.. பேராசிரியரின் பார்வையில் படாமல் வந்த SMSஸை படித்து... சிரிக்கவும் முடியாமல், திரும்பிப் பார்த்து அணுப்பிய ஆளை முரைக்கவும் முடியாமல்......ரொம்ப கஷ்டப்படுத்திய SMS சில இங்கு..

ஆர்த்தி.. யாரு பெத்தப் பிள்ளையோ, இப்படி அனாதையா உன் முன்னாடி நின்னு புலம்புதே, இரண்டு வார்த்தை சொல்லாம இப்படியா வேடிக்கை பார்ப்ப?

----------------

அரை மணி நேரமா தாலாட்டுப் படியும் தூங்காமல், SMSஆ பாக்கிற....மரியாதையா துங்கு...

---------------

நான் நீ class கவனிச்சிட்டு இருக்கியோன்னு பயந்துட்டேன்... SMS தான் படிக்கிறியா

********************

தேர்வு நேரம்.. படிக்கும் போது சில வருவதுண்டு...

Eq 1 : Study = Don't Fail
Eq 2 : Don't Study = Fail

Add Eq1 and Eq2,
-> Study+Don't Study = Fail + Don't Fail,
-> Study(1+Don't) = Fail(1+Don't)

Divide by (1+Don't) on both sides,
--> Study = Fail

அப்புறம் ஏன்டீ படிக்கிற..

--------

Whenever you feel like Studing
Just sit down
Relax
Take a few deep breath
Count 1,2,3...

Until the feeling goes away.

---------

மனிதனின் மூளை மிகவும் சிறந்தது.. பிறந்தது முதல் 24மணி நேரமும் 365 நாளும் வேலை செய்கிறது.. அது என்ன தேர்வு எழுதும் போது மட்டும், வேலை செய்ய மறுக்கிறது???

---------

எதை நீக்க... என தெரியாமல் இப்போது நான்.

இது ஒரு காதல் கதை

2006-02-06T03:30:00.000-08:00

காஷ்மீரில் ஒரு பழங்குடியின மக்களின் தலைவனின் அழகு மகள் வேறு இனத்தைச் சேர்ந்தவனை காதலித்தாள். வழக்கம் போல் காதல் எதிர்ப்பைச் சந்திக்க, அவர்கள் ஊரை விட்டு ஓடி விடுகிறார்கள்.

பின் பெற்றோர் மனம் மாறி, அவர்கள் கண்டுப்பிடித்து, திருமணத்திற்கு சம்மதித்தனர்...

திருமண நாளில் அவர்கள் மணயுடையில் நின்ற போது, எங்கிருந்தோ வந்த ஒரு car மணமகன் மீது மோத.. அவன் அந்த இடத்திலேயே இறந்துவிடுகிறான்.. அவளுக்கு அந்த சம்பவத்தைப் பார்த்ததில் பித்துப் பிடித்துவிடுகிறது.

சில நாட்களுக்கு பிறகு அவள் குணம் அடைந்து விடுகிறாள்.

ஒரு நாள் இரவு, அவள் அம்மாவிற்கு ஒரு கனவு, அதில்.. ஒரு தேவதை தோன்றி அந்த பெண்னின் மணயுடையில் இருந்த அவனின் இரத்தக் கறையை உடனே எடுக்கச் சொன்னது... ஆனால் அவள் அம்மா அதைச் செய்யவில்லை...

மறுநாள் இரவு, அவள் அப்பாவிற்கு அதே கனவு, மீண்டும் ஒரு தேவதை தோன்றி அந்த பெண்னின் மணயுடையில் இருந்த அவனின் இரத்தக் கறையை உடனே எடுக்கச் சொன்னது... ஆனால் அவள் அப்பா அதைச் செய்யவில்லை...

மறுநாள் இரவு, அவளுக்கு அதே கனவு, மீண்டும் ஒரு தேவதை....

அவள் அந்த கனவை நம்பி தன் மணயுடையைத் துவைத்து, அதில் இருந்த அவனின் இரத்தக் கறையை எடுக்கப் பார்த்தாள்... ஆனால் அந்த இரத்தக் கறை மறையவேயில்லை..

இரவு, அவளுக்கு அதே கனவு, மீண்டும் தேவதை....

அடுத்த நாள், அவள் தன்னால் முடித்த எல்லாத்தையும் செய்து அந்த இரத்தக் கறையை எடுக்கப் பார்த்தாள், ஆனால் அந்த இரத்தக் கறை மறையவேயில்லை..

அன்று மாலை, வீட்டில் யாரும் இல்லாத நேரம், யாரோ கதவைத் தட்ட, அவள் கதவைத் திறந்துப் பார்த்தாள்...

அது, அது அந்த தேவதை !, அவள் நேரில் தேவதையைக் கண்டு மிரள,

அந்த தேவதை மெதுவா தலையைக் கோதிச் சொன்னது 'Surf Excel இருக்குதுல'

ஐயோ... என்னை முரைக்காதீங்க...

இந்த கதையை எனக்கு SMS அனுப்பிய ஆள நானே தேடிக்கிட்டு தான் இருக்கேன்...

காத்திருந்து...

2006-02-01T06:06:00.000-08:00

உன் கடிதங்களுக்காக
காத்திருந்து
காத்திருந்து
என் வீட்டு அஞ்சல் பெட்டிகூட
சிவந்துவிட்டது
என் கண்களை போல

காதலுடன்
ஆர்த்தி

என் இதழ்கள்

2006-02-01T02:55:00.000-08:00

பூக்களை பார்க்கும் போது
புன்னகை புரிகின்றன

சினேகிதிகளுடன்
சிரித்து பேசுகின்றன

சமயத்தில்
சிட்டுக் குருவியுடன்
சீட்டியடிக்கின்றன

உன்னைக்காணும் போது மட்டும் தான்
மவுன மொழி பேசுகிறது...

என் இதழ்கள்

உனக்கு மட்டும்
ஊமையாக
ஆர்த்தி

புரியவில்லையா??

2006-01-27T22:52:00.000-08:00

காதலால் கசிந்து - நான்
அழுததெல்லாம்
கவிதை
கிறுக்கல்
என பெயர் பெறுகிறது

ஆனால்
உனக்குக் கூடவா
என் அழுகையில்
காதல் தெரியவில்லை?

என் விரல் எழுதும்
கவிதை தான்
புரியவில்லை
சரி
விழி எழுதும்
காதலுமா
புரியவில்லை?

ஏக்கத்துடன்
ஆர்த்தி...

என் கண்களே..

2006-01-27T04:48:00.000-08:00

எத்தனை விழிகள்
வியந்தன அன்று

எத்தனை விமர்சனங்கள்
எத்தனை வியப்புகள்
எத்தனை வேண்டுகோள்கள்

கலங்காதது நீ மட்டும் தான்
மனம் அல்ல - என
அவர்களுக்கு என்னைக்
காட்டிக் கொடுக்காத
கண்களே நன்றி

'அழுதுவிடு' என்ற எல்லா
கோரிக்கைகளையும்
நிராகரித்துவிட்டு
என்னை தைரியமானவளாய்
காட்டிய
கண்களே நன்றி

நீ ஒரு துளி நீர்
சபையில் சிந்தியிருந்தாலும்
என்னையல்லவா
மூலையில் தள்ளியிருப்பார்கள்

இனி
கொள்ளிவைக்க ஆண் இல்லை -என
அந்த ஊரில்
எவனும் பேசமாட்டான்
உன்னால் நான்
வழிகாட்டியாக
புதிய பாதை அமைந்தேன்
கண்களே நன்றி

கண்களே..
கூடத்தில் கலங்காமல்
மானம் காத்து
தனிமையில் கலங்கி
மனம் காத்தாய்
நன்றி

நன்றியுடன்
ஆர்த்தி...

இப்போது நான் உன்னை அதிகம் நேசிக்கிறேன்..

2006-01-26T06:19:00.000-08:00

என் விழியால்
உன்னை நான்
எரிக்க முயன்றபோது
அன்பெனும் கேடயம் ஏந்தினாய்

என் மௌனம் என்ற
இரும்புத் திரைக்குப் பின்
நான் இருந்தபோது
புன்னகை அம்பு தொடுத்தாய்

பொறுமையாய் இருந்து
இந்தக் கல்லையும்
கனிய வைத்தாய்

இப்போது
'தோழன்' என
தோளில் கைபோட்டுக் கொண்டே
கழுத்தை இறுக்குகிறாய்

ஆனால்
முன் எப்போழுதையும் விட
இப்போது தான்
நான் உன்னை
அதிகம்
நேசிக்கிறேன்..

என்னுள் வீரம்
உண்டு என
எனக்குத் தெரியும்
ஆனால்
ஈரம் இருப்பதை
காட்டியது நீ தான்

என்னுள் வேகம்
உண்டு என
எனக்குத் தெரியும்
ஆனால்
கானம் இருப்பதை
காட்டியது நீ தான்

என்னுள் கர்வம்
உண்டு என
எனக்குத் தெரியும்
ஆனால்
கனிவு இருப்பதை
காட்டியது நீ தான்

என்னுள் கோபம்
உண்டு என
எனக்குத் தெரியும்
ஆனால்
காதல் இருப்பதை
காட்டியது நீ தான்

என்னுள் கனவு
உண்டு என
எனக்குத் தெரியும்
ஆனால்
கவிதை இருப்பதை - கோடிட்டு
காட்டியது நீ தான்

இப்போது நான்
அதிகம்
உன்னை நேசிக்கிறேன்..

நீதானே எனக்கு
ஞானம் தந்த போதிமரம்

காதலுடன்
ஆர்த்தி...

நான்..

2006-01-24T00:00:00.000-08:00

என்னை நீ உன்
நிழல் என்றாய்

காலச் சூரியன்
நகர்கையில் நீ
நீயாக இருப்பாய்
நான் தானே
வளர்ந்து, தேய்ந்து
மறைந்து போவேன்

என்னை நீ உன்
உலகத்து நிலா என்றாய்

இரவும் பகலும்
வந்தாலும் உலகம் நீ
மாறாமல் இருப்பாய்
நான் தானே
வளர்ந்த ஒவ்வொரு முறையும்
தேய்ந்து போவேன்..

நான்
நிழலும் இல்லை
நிலாவும் இல்லை

உன்
கண்ணுக்கு தெரிந்தாலும்
கைக்கு எட்டா
நட்சத்திரம் நான்

சுடுவது என்
பண்பு
அருகில் வருபவனை
எறிப்பது என்
இயல்பு..

தூர நில்
வைரமாக தெரிவேன்..
துருவ நட்சத்திராக
வழி காட்டுவேன்

அன்புடன்
ஆர்த்தி...

எங்கோ கேட்டது - #1

2006-01-23T03:27:00.000-08:00

இறைவா எனக்கொரு வரம் கொடு
கேட்கும் வரம் சற்று கடுமையாக இருந்தாலும்
இன்றைய கொடுமைக்கு ஒரு
முற்றுப்புள்ளி வைக்க
இறைவா எனக்கொரு வரம் கொடு

வீசுகின்ற அரிவாள்-
வீசுபவனையே தாக்க வேண்டும்

எறிகின்ற குண்டு-
எறிபவனையே அழிக்க வேண்டும்

சுடுகின்ற துப்பாக்கி -
சுடுபவனையே துளைக்க வேண்டும்

இப்படித்தான் நடக்கும் என்ற
ரகசியத்தை மட்டும்
எவனிடமும் சொல்லாதே!!!

அன்புடன்
ஆர்த்தி...

நகரத்தில் வாழ்க்கை

2006-01-22T22:38:00.000-08:00

நடை பாதையில் நசுங்கி
ரயிலில் கசங்கி
...
நாள் முழுவதும்
நகரத்தில் நரகவாழ்க்கை

வீதியில் வெளிச்சம்
மனித இதயத்தில் மட்டும் இருட்டு!
அருகில் குடியிருந்தாலும்
அறிமுகம் இல்லா
அண்டை வீடுகள்

ஒப்புக்காக ஒரு ஹலோ..
உதட்டில் மட்டும் புன்னகை..
இவர்களின் நட்பு செல்ல நாயோடு மட்டும்
மற்றவர் எல்லாம் கதவுக்கு வெளியே!

அன்புடன்
ஆர்த்தி...

தமிழ் பேசும் போது தமிழ் மட்டும் பேசுவோமே...

2006-01-22T03:54:00.000-08:00

சனி இரவு விளையாட்டு, வழக்கம் போல இந்த முறையும் நான் முதல் சுற்றிலேயே தோற்க... இந்த வார தண்டனை 'ஞாயிறு முழுவதும் தமிழ் மட்டும் பேச வேண்டும்'

இப்போது தான் தெரிகிறது தமிழ் பேசுவாதாக ஆங்கிலம் பேசுகிறேன் என...

'Bulb fuse போகிவிட்டது'
'novel ஒரே Mystery'
'கண்ணாடியில glare அடிக்குது'
'படம் super'

என பேசி என் தண்டனை அடுத்த ஞாயிறும் தொடரும் என அறிவிக்கப்பட்டுள்ளது...

அதனால், வேறு வழி இல்லாமல் ஆங்கில வார்த்தைக்கு தமிழாக்கம் தேடினேன்..(கடவுள் மனம் இறங்கினாலும், என் தோழிகள் மனம் இறங்குவது கடினம்) சில இங்கே

Fission - பிளப்பு
Fusion - பிணைவு
Digital - எண்குறி
Super - மிகை
Accelerator - முடுக்கி
Glare - கூசொளி
Fatigue - மயக்கநிலை
Protein - புரதம்
Scattering - சிதறல்
Signal - சமிக்ஞை
Anti - எதிர்
Mold - பூசணம்
Energy - ஆற்றல்
Pump - ஏற்றி
Harmony - இசைவு
Flask - குடுவை
Sympathetic - பரிவு
Force - விசை
Behaviour - செயற்பாங்கு
Motion - இயக்கம்
Sensors - உணர்விகள்
Speaker - ஒலிப்பி
Receiver - ஏற்பி
Plan - திட்டம்
Scheme - செயலாக்கம்
Project - புரியாக்கம்
Fuse - நூர்தல்
Genuis - மகாமேதை
Dry Humour - சுவையற்ற நகைப்பு
Photograph - ஒளிப்படம்

ஆங்கிலம் வேண்டும்தான், ஆனால் தமிழ் பேசும் போது தமிழ் மட்டும் பேசுவோமே...

அன்புடன்
ஆர்த்தி...

ஒவ்வொரு முறையும்

2006-01-22T02:36:00.000-08:00

நாம் போட்டியிடும்
ஒவ்வொரு முறையும்
நான் வெல்ல
நீ தோற்றாய்

நாம் விளையாடும்
ஒவ்வொரு முறையும்
நான் சிரிக்க
நீ அழுதாய்

நான் சோர்வடையும்
ஒவ்வொரு முறையும்
நான் தலைசாய்க்க
நீ தாயானாய்

நான் தோல்வியடையும்
ஒவ்வொரு முறையும்
நான் மீள
நீ தோழனாயினாய்

நான் நோயுற்ற
ஒவ்வொரு முறையும்
நான் குணமாக
நீ மருந்தானாய்

நான் வாழ்வில் தவறிய
ஒவ்வொரு முறையும்
நான் எழ
நீ பிடியானாய்

நான் அழுத
ஒவ்வொரு முறையும்
நான் சிரிக்க
நீ குழந்தையானாய்

இப்போது
நீ தெய்வமானாய்
நான்
என்ன செய்ய வேண்டும்??

அன்புடன்
ஆர்த்தி...

என் முகமூடிகள்

2006-01-21T01:48:00.000-08:00

அம்மா சொன்னது-
வாயாடி
குறும்பு செய்பவள்
நீ எனக்கு மாமியார்

அப்பா சொன்னது-
இனிமையானவள்
குழந்தையுள்ளம் கொண்டவள்
நீ என் செல்ல மகள்

தங்கை சொன்னது-
புத்தகப் புழு
சண்டைக் கோழி
நீ என் சிறந்த வழிகாட்டி

தம்பி சொன்னது-
அன்பானவள்
எல்லாம் தெரிந்தவள்
நீ என்னை தாங்குகின்றவள்

தோழிகள் சொன்னது-
புத்திசாலி (!)
உதவும் குணம் உள்ளவள்
ஒரு நல்ல தோழி

போட்டியிடுபவள் சொன்னது-
முட்டாள்
ஒன்றும் அறியாதவள்
என் முதல் எதிரி

ஆசிரியர் சொன்னது-
நேர்மையானவள்
சுறுசுறுப்பானவள்
நீ நல்ல மாணவி

உறவினர்கள் சொன்னது-
அமைதியானவள்
அழுத்தமானவள்
யாருடனும் ஒட்டாதவள்

எல்லரிடமும் நான் கேட்டது ஒன்றுதான்..
'உங்களுக்கு நான் யார்?'

இப்போது தெரிகிறது
என்னிடம் எத்தனை
முகமூடிகள் உள்ளது என

இத்தனை முகமூடிகள் அணியும்
என் முகம்
எங்கே?

முகமூடிகுள் என் முகம்
தொலைந்துவிட்ததா?
புதைந்துவிட்ததா?
இல்லை
முகமே ஒரு முகமூடியாக மாறிவிட்டதா?

யார் அறிவார்?

அன்புடன்
ஆர்த்தி...

நான் கேட்டது

2006-01-20T06:18:00.000-08:00

உன் பெயர் - என் கவிதை
உன் கிறுக்கல் - என் கோலம்
உன் சிரிப்பு - என் சிந்து

இது.... இது இல்லை நான் கேட்டது

எனக்கு தேவை ஒரு பொய்யான கவி இல்லை
உண்மையான, உண்மையான நண்பன்
உள்ளதை, உள்ளபடி உணர்கிற
ஏற்றுக்கொள்கிற - ஒரு நல்ல நண்பன்

அன்புடன்
ஆர்த்தி...

நண்பணாகவும், நல்ல ஆசிரியராகவும்

2006-01-20T03:37:00.000-08:00

தமிழ்ல பதிவுகள்... எழுத்துப் பிழையோ, இலக்கணப் பிழையோ இருந்தால் நண்பணாக மண்ணியுங்கள், நல்ல ஆசிரியராக திருத்துங்கள்..

அன்புடன்
ஆர்த்தி...

தமிழ்ல பதிவு

2006-01-19T08:53:00.000-08:00

தமிழ்ல பதிவு... ஒரு சிறிய முயற்சி

அன்புடன்
ஆர்த்தி